Покистонга кутилмаганда келган Ҳиндистон бош вазири Нарендра Моди Покистон бош вазири Муҳаммад Навоз Шарифнинг қиз набирасининг никоҳ тўйига ташриф буюрди. Бу ҳақда Ҳиндистон ташқи ишлар вазирлиги расмий вакили Викас Сваруп ўз твиттерида маълум қилди.

 “Алоҳида илтифот – Ҳиндистон бош вазири Покистон бош вазири Шарифнинг уйига ташриф буюрди. Бу ерда Шарифнинг набирасининг никоҳ тўйи бўлмоқда. Бош вазир келинга оқ фотиҳа бериб, Райвиндни (Покистондаги шаҳар – Kun.uz) тарк этди. Уни бош вазир Шариф кузатиб қўйди”, деб хабар бермоқда Сваруп.

Сварупнинг айтишича, бош вазирлар икки давлат ўртасидаги муносабатларни муҳокама қилишган, унинг тафсилотлари келтирилмаган.