Колумбияда ELN ташкилотининг 8 нафар раҳбари ҳибс қилинди

Жаҳон 26 Декабрь 2015 2719

Колумбия ҳукумати мамлакат жануби-ғарбида ҳаракатланадиган Миллий озодлик армияси ташкилотининг (ELN) юқори лавозимли 8 нафар раҳбари қўлга олингани ҳақида эълон қилди.

Шунингдек, ҳукумат ҳарбийлари бу ташкилотнинг катта миқдордаги қуроллар ва ўқ-дори сақланаётган омборини аниқлаган.

Колумбия ҳукуматидагиларнинг қайд этишича, ўтказилган махсус амалиёт орқали марксизм ғоялари таъсиридаги бу жиноий ташкилотнинг 1500 нафарга яқин вакили ҳарбий ҳаракатларни амалга ошира олмаслиги таъминланган.

ELN Колумбиядаги иккинчи йирик қуролланган исёнчи гуруҳ ҳисобланиб, ҳукумат билан тинчлик сулҳи тузилиши бўйича музокараларга қўшилмаган.

Мамлакатдаги энг йирик исёнчи ташкилот Колумбия инқилобий қуролли кучлари (КИҚК) эса ёзда ҳукумат билан муросага келганди. Шундан сўнг Колумбия президенти мамлакатдаги исёнчи ташкилот базаларини бомбалашни тўхтатишни буюрганди.

Октябрь ойида Колумбияда партизанлик ҳужуми оқибатида 11 нафар ҳарбий ва полициячи ҳалок бўлган, шундан кейин президент Хуан Мануэль Сантос ELN исёнчиларига қарши ҳаракатларни фаоллаштиришни буюрганди.

Колумбияда 1964 йилда ҳукумат ва исёнчилар ўртасида зиддиятлар юзага келганди. Ўтган 50 йил давомида бундай тўқнашувлар оқибатида 220 мингдан ортиқ киши ҳалок бўлган ва 6 миллиондан ортиқ киши ўз уйларини тарк этишга мажбур бўлган.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30145 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42374 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158870 Жамият
Кун.uz офис изламоқда
15:48 / 06.08.2017 45035 Lifestyle
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 875 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 465 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2066 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 188 Спорт
Эрдўған Ғарбнинг Яқин Шарқдаги сиёсатини танқид остига олди
00:02 907 Жаҳон
Кўпроқ янгиликлар