Менделеев даврий жадвалидаги янги 113-элемент японий деб номланадиган бўлди. Айни пайтда янги элементнинг қандай номланиши бўйича Америка, Россия ва Япония олимлари жамоалари баҳс олиб бормоқда. Бу ҳақда Sputnik агентлиги хабар берди.

Айни пайтда 113-кимёвий элементнинг ихтиро қилинишига оид муаллифлик ҳуқуқини икки гуруҳ: Россия-Америка ва япон олимлари гуруҳи кураш олиб бормоқда. Биринчи гуруҳнинг маълум қилишича, элемент синтези 2003 йилда Дубнадаги Бирлашган ядро тадқиқотлари институтида ўтказилган изланишларда амалга ошганини маълум қилган.

Япония Табиий фанлар институтида фаолият кўрсатаётган иккинчи жамоа эса ўз маълумотларини 2004, 2005 ва 2012 йилларда қўлга киритганини таъкидлашмоқда.

Кашфиёт ва номланиш тўғрисидаги қарор Халқаро назарий ва амалий кимё кенгаши томонидан қабул қилинади.

Маълумотларга кўра, япон олимлари 113-моддани рух ва висмут ядроларини тўқнаштириш орқали олган бўлса, рус-америка жамоаси 115-моддани синтез қилиш йўли билан олишган.

Якуний қарор эса 2016 йилнинг январь ойида Халқаро назарий ва амалий кимё кенгаши йиғилишидан сўнг маълум бўлади.

Табиатда, қоидага биноан, атом рақами (ядродаги протонлар сони) 92дан ошмаган (уран) моддалар кузатилади. 93дан 100тагача протон бўлган элементлар реакторларда, 100тадан юқориси тезлаткичларда олинади.