Москва метросида Ўзбекистон мармаридан фойдаланилди

Жаҳон 26 Декабрь 2015 5949

Россия пойтахти Москва шаҳрида “Бауманская” станциясини реконструкция қилиш ишларида ғозғон мармаридан вестибюль олд қисми, девор ва полининг қопламалари, безак элементлари, чироқларда фойдаланилди. Бу ҳақда РИА "Новости" хабар берди.

Мазкур метро станциясининг перрон зали ва ер усти вестибюли архитектура ёдгорлиги ҳисобланиб, бу жойдан кунига 100 минг йўловчи ўтади.

Ғозғон мармари нафақат Ўзбекистон, балки хорижда ҳам машҳур бўлиб, ундан Алишер Навоий номидаги Катта опера ва балет театри, Тошкент метрополитенининг бир қатор станцияларида қўлланилган. Шунингдек, Москванинг “Кузнецкий мост” метро станцияси вестибюли, “Комсомольская” станциясининг балкон галереяси, Санкт-Петербургдаги “Проспект ветеранов” станцияси деворлари ҳамда “Адмиралтейская” станцияси аркасида ҳам ушбу мармар ишлатилган.

Ушбу турдаги мармар Навоий вилояти Нурота туманидаги Ғозкон конидан қазиб олинади. Мазкур кон 1934 йилда очилган бўлиб, ўтган асрнинг 70-йилларидан буён фойдаланиб келинмоқда. Бу ердан сариқ, оқ, пушти, кулранг-сариқ, тўқ сариқ, қизил ва бошқа ранглардаги ноёб мармар қазиб олинади. Рангларнинг хилма-хиллиги 45тани ташкил этиб, коннинг умумий захираси 9 миллион куб, дея баҳоланган. Йиллик қазиб олиш ҳажми эса 18 минг куб метрдан иборат.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 83275 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42885 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49303 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8382 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19364 Ўзбекистон
Италиянинг давлат қарзи рекорд қийматга етди
Олий лига. «Пахтакор» Самарқандда очко йўқотди
21:12 980 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 892 Жаҳон
Ўзбекистон ТИВ раҳбари португалиялик ҳамкасбига мактуб йўллади
Кўпроқ янгиликлар