Ўзбекистон олимпия терма жамоаси назорат учрашувида Сурияга мағлуб бўлди

Спорт 26 Декабрь 2015 3597

БААнинг Дубай шаҳрида ўзининг иккинчи йиғинини ўтказаётган Ўзбекистон олимпия терма жамоаси йиғин давомидаги иккинчи назорат учрашувида Сурия олимпия терма жамоасига 0:1 ҳисобида мағлуб бўлди.

Сурия олимпия терма жамоасига қарши кечган учрашув тенг курашлар остида ўтди. Ўйиннинг биринчи бўлимида ҳисоб очилмади. Иккинчи бўлимнинг илк дақиқасида эса Сурия олимпиячилари пенальтидан ҳисобни очишди. Қолган дақиқаларда дарвозаларга бошқа гол киритилмади ва учрашув Сурия олимпия терма жамоасининг ғалабаси билан якунланди.

Маълумот ўрнида, Ўзбекистон олимпия терма жамоаси йиғин давомидаги илк ўртоқлик учрашувини КХДР терма жамоасига қарши ўтказган ва 4:2 ҳисобида ғалаба қозонган эди.

Эслатиб ўтамиз, келаси йилнинг январь ойида бўлиб ўтадиган 23 ёшгача бўлган футболчилар ўртасидаги Осиё чемпионатига тайёргарлик кўраётган Ўзбекистон олимпия терма жамоаси БААнинг Дубай шаҳрида яна икки бор ўртоқлик учрашувида майдонга тушади. Режага кўра, Самвел Бабаян бош мураббийлигидаги терма жамоа 27 декабрь куни Қатар олимпия терма жамоасига қарши ўйнайди.

Ўртоқлик учрашуви.

Дубай, БАА.

23 декбрь.

Ўзбекистон (U23) – Сурия (U23) –0:1

Ўзбекистон U23: Абдумавлон Абдужалилов, Жавлон Мирабдуллаев, Максимилиан Фомин, Сардор Раҳмонов (Достон Турсунов, 42), Муҳсинжон Убайдуллаев, Жавоҳир Соҳибов (Қувондиқ Рўзиев, 80), Отабек Шукуров, Достон Ҳамдамов (Тимур Ҳакимов, 78),Жамшид Искандеров (с), Игорь Сергеев (Икром Алибоев, 68), Ҳусниддин Ғофуров (Элдор Шомуродов, 46).

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90155 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44906 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50538 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8875 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19719 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 0 Жаҳон
Конте «Челси»га нима етишмаётгани ҳақида гапирди
22:59 510 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 840 Жамият
Видео: Дэвид Бекҳэм Pro Evolution Soccer 2018’да
22:47 599 Спорт
АҚШ ва Жанубий Корея август охирида ҳарбий машғулотлар ўктазади
22:35 451 Жаҳон
Кўпроқ янгиликлар