Покистоннинг Пешовар шаҳрида 37 киши Афғонистонда юз берган зилзиладан кейин шифохонага етказилди, деб хабар бермоқда “Синьхуа” ахборот агентлиги.

АҚШ Геологик хизмати маълумотларига кўра, зилзила кучи 6,3 магнитудани ташкил қилган. Ер силкинишлари, шунингдек, Ҳиндистоннинг Деҳли шаҳрида ҳам сезилган.

Ўз навбатида Покистон метеорологик бюроси зилзила маркази бошқа ерда ва унинг кучи 6,9 магнитудани ташкил қилганини айтмоқда.

Таъкидланишича, одамлар эски биноларнинг элементлари қулаши оқибатида жароҳат олган. Ҳудуднинг шифохоналарида фавқулодда вазият тартиби амал қилмоқда.

Ушбу зилзиланинг кучи 26 декабрь тунги 0:15 ларда Ўзбекистоннинг бир қатор ҳудудларида ҳам сезилди.