Украина президенти Петр Порошенко янги қонун лойиҳасини имзолади. Унга кўра, Украинада давлат амалдорлари ва ҳокимият органларига бундан кейин босма нашрлар муассиси ёки ҳаммуассис бўлиши тақиқланади. Бу ҳақда RNS хабар қилди.

Қайд этилишича, бундан олдинроқ, 21 декабрь куни Порошенко Олий Рада томонидан таклиф этилган бу қонун лойиҳасини имзолашдан бош тортганди.

Бу қонун лойиҳасида босма нашрлар фаолиятини ислоҳ қилиш ва газета матнлари фақат украин тилида чиқиши кўзда тутилган. 24 декабрь куни парламент бу қонун лойиҳасини таҳрирлаб чиқиб, қайтадан президентга тақдим этганди.