19 декабрь куни Хитой жанубидаги Гуандун вилоятида жойлашган Шэньчжэнь шаҳрида юз берган ер ўпирилиши ҳодисасидан 1 ҳафта ўтгач, ер остида қолиб кетганлар хотираси учун 1 дақиқалик сукут сақлаш маросими ўтказилди. Унда қутқарувчи гуруҳлар вакиллари ва расмий кишилар иштирок этишди.

Шу вақтгача 75 киши бедарак кетган деб ҳисобланиб келмоқда. Ер ўпирилиши юз берган ҳудуддан бир киши омон чиқди, яна 4 кишининг жасади топилди.

Бундан олдинроқ, Хитойдаги ҳалокатли ер ўпирилишига ноқонуний чиқиндихона сабаб бўлгани ҳақида хабар қилинганди.

Кўчки содир бўлган ҳудудда 30та уй "ер остига кириб кетган". Қутқарув ишларида минглаб кишилар иштирок этишди.