Чикаго полицияси гумондорни қўлга олиш жараёнида тасодифан маҳаллий аёлни отиб қўйди, дея хабар бермоқда CNN полиция ходими маълумотига асосланган ҳолда.
“55 ёшли аёл тасодифан отиб қўйилди, фожеали тарзда ўлдирилди”, - дея маълум қилди полиция.

CBS маълумотига кўра, Бетти Жонс исмли аёл ортидан беш фарзанди қолди.
Хабарларга кўра, ҳуқуқни муҳофа қилиш органларига аёлнинг қўшниси, 19 ёшли Куинтино Легирнинг отаси мурожаат қилиб, унга ўғли металл бейсбол тўқмоғи билан таҳдид қилаётганини айтади.

Мурожаат бўйича етиб келган полиция ўт очиб, уни жароҳатлайди, ўқлардан бири эса тасодифан Бетти Жонсга келиб тегади. Олган тан жароҳати сабабли ҳар иккиси ҳам вафот этди.

Оила аъзоларининг сўзларига кўра, Шимолий Иллинойс университетида таҳсил олувчи Легир руҳий хасталикдан азият чеккан.
Чикаго полицияси ҳалок бўлганларнинг оила аъзолари ва дўстларига ўз ҳамдардлигини билдирган.