Янги йил арафасида фазогир Солижон Шарипов ўз юртдошларини байрам билан табриклади. У Марказий Осиёда келаётган янги йил тинчлик ва осойишта бўлишини тилаб қолди. Солижан Шарипов бу ҳақда Sputnik нашри мухбирига берган интервьюсида айтиб ўтди.

Фазогир ўтаётган 2015 йил у учун омадли келганини ва қиз набирали бўлганини айтди. У янги йилни анъанага кўра оила даврасида кутиб олишини маълум қилди.

Солижон Шарипов ўзи учун қадрдон бўлган ўзбек ва қирғиз халқига янги йилда барча яхши ниятлар ижобат бўлиши, оилада фаровонлик, соғлиқ ҳукм суришини тилаб қолди.

“Янги йилда мен ҳаммага авваламбор соғлиқ, оилада ва ишда фаровонлик тилаб қолмоқчиман. Янги йилда барча ўйлаган эзгу ниятларингиз амалга ошсин ва энг асосийси, Марказий Осиё, Ўзбекистон, Қирғизистон, Тожикистон ва бошқа давлатларда тинчлик ҳукм сурсин.

Одамлар ва халқлар ўртасидаги ҳамжиҳатлик ва дўстона муносабатлар бардавом бўлсин, барча ёмон нарсалар, жумладан адоватлар эски йилда қолиб кетсин. Янги йилда биз ҳозиргидан ҳам бахтлироқ бўлишимизни тилайман!” , деб ўз тилакларини билдириб ўтди фазогир.