Финляндия чегара хизмати Россия билан чегарадан велосипед орқали ўтишни тақиқлади. Бу ҳақда МТВ3 телеканали сайтида маълум қилинган.

Эндиликда, шимолдаги бу чегарадан фақат автомобил орқали ўтиш мумкин.

Қайд этилишича, Финляндия ҳукумати Салла ва Райя-Йоосеппи чегара ўтказув пунктлари орқали Россия ҳудудидан қочқинлар кириб келишининг олдини олишга қарор қилган.

Телеканал маълумотига кўра, 26 декабрь куни Россия ҳудудидан Финляндияга 5 қочқин минган машина ўтмоқчи бўлган. Машина ҳайдовчиси мамлакатга ноқонуний муҳожирларни олиб кириш билан шуғулланувчи сифатида гумон қилинган.

Шунингдек, Финляндия ҳукумати велосипед орқали чегарадан ўтишни тақиқлашига бу восита орқали қиш мавсумида йўлларда ҳаракатланиш қийинлашгани туфайли хавфсизликни таъминлаш зарурати пайдо бўлгани ҳам сабаб ҳисобланади.

10 ноябрь куни Финляндия ҳукумати қочқинлар учун палатка ва контейнерлар орқали бошпаналар ташкил қилиниши ҳақида маълум қилганди. Бунга мамлакатдаги қочқинлар сони ҳаддан ташқари ортиб кетгани сабаб бўлмоқда.

Мамлакат ИИВ томонидан Финляндия аҳолисига нисбатан энг кўп миқдорда қочқинлар қабул қилганлар рўйхатида тўртинчи давлат экани ҳақида билдирилган.

Октябрь ойининг ўзида Финляндияга Яқин Шарқ ва Шимолий Африкадан 7 минг қочқин кириб келди. 2015 йил бўйича эса бу кўрсаткич 27 минг нафардан ортиқни ташкил қилган.

 

Финляндия ҳар куни қочқинлар учун 1 млн евро сарфламоқда

Финляндияга 2015 йил бошидан буён 15 минг муҳожир кириб келди

Финляндиянинг қочқинларни қабул қилиш марказларида жой қолмади

Финляндия муҳожирларга сарф-харажатлар кўпайгани туфайли бойлар учун солиқни оширмоқчи

Финляндия бош вазири қочқинларни ўз уйига жойлаштиришга тайёрлигини маълум қилди

Финляндия афғонистонлик қочқинларни қабул қилиш қоидаларини янгилайди

Финляндияда бир гуруҳ мусулмон қочқинларга чўчқачилик марказидан бошпана берилди