Россиянинг Биринчи канали лойиҳаси ҳисобланган “Голос” шоуси финалига чиққан Эра Канн (Ирина Бручеева) тўртинчи ўрин билан кифояланди.

Ирина Робертовна Бручеева (Эра Канн) 1993 йилнинг 11 январида Самарқанд шаҳрида дунёга келган. Орадан озроқ вақт ўтиб унинг оиласи Россиянинг Саратов шаҳрига кўчиб кетган.

Эслатиб ўтамиз, “Голос” шоусининг тўртинчи мавсумида Григорий Лепс жамоасидаги иеромонах (руҳонийлик рутбасини олган монах) Фотий ғалаба қозонди. Иккинчи ўринни Александр Градский тарбияланувчиси Михаил Озеров қўлга киритди. Полина Гагарина жамоасидаги Ольга Задонская учинчи ўрин билан чекланган бўлса, Баста жамоасидаги Эра Канн финалнинг сўнгги ўрни билан кифояланди.

“Голос” шоуси Россиянинг Биринчи каналида 2012 йилдан буён ўтказиб келинмоқда. Ўтган уч мавсумда Градскийнинг шогирдлари — Дина Гарипова, Сергей Волчков ва Александра Воробьёва ғолиб бўлган.