"Реал" жамоаси президенти Флорентино Перес айни вақтда ишсиз қолган Жозе Моуриньони Мадридга қайтармоқчи. Бу ҳақда The Sunday Times нашри хабар қилган.

Хабар қилинишича, Перес Моуриньога аниқ таклиф билан чиққан.

Ўтган ҳафтада катта шов-шувлар билан "Челси"дан истеъфога чиқарилган португалиялик мутахассис "Манчестер Юнайтед"да Луи ван Гаалнинг ўрнини эгаллаши ҳақида хабарлар пайдо бўлган.

Айни вақтда "Реал" мухлислари жамоа бош мураббийи Рафаэль Бенитеснинг ишдан кетишини талаб қилишмоқда.

Эслатиб ўтамиз, Жозе Моуриньо 2010-2013 йилларда "Реал"да бош мураббий сифатида ишлаган ва Испания чемпионатини, мамлакат Кубоги ва Суперкубогини қўлга киритганди.