Мадриднинг “Реал” футбол клуби президенти Флорентино Перес эндиликда “Челси”нинг собиқ мураббийи Жозе Моуриньога Мадрид клубига яна мураббийлик қилишни таклиф қилди. Бу ҳақда The Sunday Times британ нашри хабар бермоқда

Перес португалиялик мутахассис клуб раҳбарияти ишончини йўқотган Рафаэль Бенитеснинг ўрнига зудлик билан келишини истамоқда. Бироқ Моуриньо ҳозирча бу таклифни қабул қилишга тайёр эмас, чунки у“ Манчестер Юнайтед”га мураббийлик қилмоқчи. У яқин орада истеъфога чиқарилиши мумкин бўлган “МЮ” бош мураббийи Луи ван Гал билан боғлиқ вазиятнинг ҳал қилинишини кутмоқда.

Моуриньо “Челси”га икки йил мураббийлик қилгандан кейин жамоа қониқарсиз натижаларни кўрсатаётгани учун 17 декабрда истеъфога чиқарилганди.
Моуриньо “Реал”га 2010-2013 йиллар давоми мураббийлик қилган.