Миср пойтахти Қоҳира шаҳри туманларидан биридаги турар-жой биносида портлаш содир бўлди, дея хабар бермоқда маҳаллий ОАВ. Ҳодиса натижасида 2 киши ҳаётдан кўз юмиб, 10 кишининг жароҳатлангани маълум қилинди

Миср телевидениеси томонидан тарқатилган кадрлардан кўриш мумкинки, бино деворининг бир қисми вайрон бўлган. Бетон плиталари парчалари уй олди ва бир нечта автомобиллар устига тушган. Фавқулодда ҳолат сабаблари ҳозирча номаълум, бироқ Қоҳира ҳукумати иккита асосий тахминни кўриб чиқмоқда: хўжалик газининг портлаши ва теракт.