Сальвадор ҳукумати 27 декабрь куни бир тонна миқдоридаги гиёҳванд модда мусодара қилингани ҳақида хабар тарқатди.

Марказий Америка мамлакати миллий фуқаролик полицияси маълумотларига кўра, тақиқланган маҳсулот ортилган тўртта тезсузар катер Тинч океанида Сонсонет департаменти соҳилларидан 90 денгиз мили (1 денгиз мили 1852 метр) узоқликда қуршаб олинган. Кемалар бортида дарҳол 15 киши қўлга олинган, уларнинг 12 нафари Гватемала, уч нафари Эквадор фуқароларидир.

Diario1 портали маълумотларига кўра, мазкур амалиёт Сальвадор ҳуқуқни муҳофаза қилиш органларининг бир қатор бошқа давлатлардаги ҳамкасблари билан биргаликдаги иши натижасидир.
“Операция 48 соат давом этди, айтиш мумкинки, бу жорий йилда мусодара қилинган энг йирик партиядир”, - дейилади полиция хабарида.