Саудия Арабистони Яман томонидан учирилган “Скад” баллистик ракетасини тўхтатиб қолди, дея хабар бермоқда SPA янгиликлар агентлиги.

“Саудия Арабистони ҳаво ҳужумидан мудофаа тизими кеча маҳаллий вақт билан 11лар атрофида Яманнинг Сана шаҳридан Нажрон шаҳри томонга учирилган ракетани тутиб қолди. ҲҲК ишга тушириш платформасини зудлик билан йўқ қилди”, - дейилади хабарда.
Яман давлат янгиликлар хизматининг хабарига кўра, Саудия миллий гвардияси ракета нишони бўлган.

Бу Саудияда кузатилган биринчи ҳодиса эмас. Аввалроқ ҳам бир неча маротаба Саудия Арабистони ҳаво ҳужумидан мудофаа тизими Яман ҳудудидан уюштирилган ракета зарбаларига барҳам берган эди.