Техас штатидаги Даллас шаҳри яқинида навбатдаги торнадо қайд этилди, деб ижтимоий тармоқларда хабар бермоқдалар воқеа гувоҳлари.

WHIO-TV телеканали журналистининг твиттерда ёзишича, торнадо Далласдан шарққа томон йўналмоқда.

Ўз навбатида FOX4 телеканали мухбирининг маълум қилишича, торнадо Даллас яқинидаги Овилла шаҳридаги камида 10 та бинони вайрон қилган, электр таъминотига шикаст етказган. Дастлабки маълумотларга кўра, жабрланганлар йўқ.

АҚШ миллий об-ҳаво хизмати ҳудудда янги торнадолар вужудга келишидан огоҳлантирмоқда.