Толибон ИШИДга қарши курашда Россия билан ҳамкорлик қилмаслигини билдирди

Жаҳон 27 Декабрь 2015 8947

"Толибон"нинг инглиз тилида фаолият кўрсатувчи сайтларидан бирида ташкилотнинг Россия ТИВ вакили Замир Кабулов томонидан руслар ва толибонлар ўртасида ИШИДнинг Афғонистондаги гуруҳларига қарши курашда ҳамкорлик қилиниши бўйича берган баёнотига муносабат билдирилди. Бу ҳақда Al Jazeera телеканали хабар тарқатган.

"Биз музокаралар олиб борганимиз рост. Лекин гап ИШИДга қарши курашда биргаликда ҳаракат қилиш ҳақида эмас. Биз мамлакат ҳудудидан барча хорижий ҳарбийларни чиқариб юборишни мақсад қилганмиз", дейди "Толибон" вакили.

Унинг қайд этишича, толибонларга ИШИДни енгиш учун ҳеч кимнинг ёрдами шарт эмас. У мамлакат шимолидаги Нангарҳар вилояти ҳудудида "бир ҳовуч" жангарилар жойлашган ва улар таҳдид солар даражада кучли эмас.

23 декабрь куни Россиянинг Афғонистон масаласидаги махсус вакили, Россия ТИВнинг шу масаладаги департаменти директори Замир Кабулов Москва "Толибон" билан ИШИДга қарши курашда умумий манфаатларга эгалиги ҳақида айтиб ўтганди ва икки томон ўртасида маълумот алмашиш мақсадидаги каналлар мавжудлигини билдирганди.

У Россия Афғонистонда ҳам Суриядаги каби ҳарбий амалиётларга бошлашини режалаштирмаганини қўшимча қилиб ўтган.

Шу йилнинг кузида Сурия ва Ироқнинг катта қисмида назорат ўрнатган ИШИД Афғонистонда ҳам ўз таъсирини кенгайтираётгани ҳақида маълумот пайдо бўлди. Мамлакатдаги "Толибон"га тобе бўлмаган гуруҳлардан бири ИШИДга қасамёд қилган.

Афғонистондаги америкалик ҳарбий амалдорлардан бирининг маълумотига кўра, Афғонистонда ўзини ИШИД аъзоси деб биладиган жангарилар сони 3000 нафар. Айни вақтда ИШИДнинг Афғонистондаги тарғибот кампанияси фаол ҳаракатланаётгани қайд этилган.

Бу вақтда эса "Толибон" бу гуруҳларга беписанд қараб, ўз ҳаракатларини расмий Кобулга йўналтирган.

Маълумот учун, "Толибон" Афғонистоннинг қонуний ҳукуматига қарши курашиб келади. Бу ташкилот мамлакатнинг аксар ҳудудларида назорат ўрнатган. Толибонлар 2001 йилда Афғонистонга НАТО кучлари киритилганидан кейин фаолликни сусайтирганди. Аммо 2014 йилнинг декабрида бу кучлар олиб чиқилиши ҳақида эълон қилингач, уларнинг фаоллиги ўсди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар