Бутунхитой халқ вакиллари кенгаши (БХВК) Доимий қўмитаси Хитой тарихида биринчи марта терроризмга қарши кураш тўғрисидаги қонунни имзолади. 159 нафар депутатнинг барчаси ушбу ҳужжатни ёқлаб овоз берди.

“Қонун терроризмга қарши кураш соҳасида қонунчиликнинг ижроси ва фуқароларнинг қонуний манфаатлари ўртасидаги мувозанатни топишга чақиради”, - дея маълум қилди жамоат хавфсизлиги ва терроризмга қарши кураш масалалари бўйича БХВК қўмитаси раҳбари Ань Вэйсин.

Қонуннинг алоҳида бўлими интернетдаги хавфсизлик билан боғлиқ бўлиб, телефон ва интернет-алоқа провайдерларига Хитой ҳукуматига шифрланган маълумотлар кодларини тақдим этиш, тегишли маҳкамаларга фойдаланувчилар паролларини бериш мажбуриятини юклайди. Бундан ташқари, норматив-ҳуқуқий акт телекоммуникация компанияларига фойдаланувчилар шахсий маълумотлари сақланаётган серверлар ва бошқа қурилмаларни Хитой ҳудудига жойлаштиришга мажбурлайди.