Братания таълим вазири Ники Морган мактаблар ўқувчиларга Британия христиан мамлакати эканини тушунтиришлари ҳамда атеизмни эмас, балки турли динларни ўрганишга аҳамият қаратиши лозимлигини маълум қилган, дея хабар бермоқда The Telegraph газетаси.

Морган 28 декабрда эълон қилинган ўзининг диний мактабларга йўллаган тавсияларида бу ҳақда ёзади. Тавсияларда ўқув дастурида диний ва атеистик қарашлар тенг даражада тақдим этилмаслиги айтиб ўтилган. Вазирнинг фикрича, мактаб таълими христиан анъаналарини акс эттириши керак.

Қайд этилишича, мазкур тавсиялар Олий суд Морганнинг атеизмни мактаб дастуридан ноқонуний равишда олиб ташлагани тўғрисида қарор чиқарганидан сўнг эълон қилинган. Бунга жавоб тариқасида вазир суд аралашуви ёрдамида гуманистлар бошланғич мактабларда болаларга атеизмнинг ўргатилишини жорий этишга уринаётганини маълум қилган.

Шу билан бирга, Ники Морган британ болалари диний таълимга йўналтирилмаган бошқа машғулотларда ўзларининг атеистик қарашлари тўғрисида гапиришлари мумкинлигини айтиб ўтган.