Россия Бош вазири ўринбосари Аркадий Дворкович «Россия 24» телеканалига берган интервьюси чоғида Россия Туркиянинг нодўстона хатти-ҳаракатларига жавоб бериш учун уларга нисбатан белгиланган чора-тадбирларни кенгайтиришини қайд этиб ўтди.

«Бизда Туркия билан ҳамкорликни рад этиш бўйича ҳеч қандай топшириқ йўқ. Биз шунчаки Туркиянинг нодўстона муносабатига холисона жавоб қайтариш керак деб ҳисоблаймиз ва бир неча кун олдин бундай жавобни беришни бошладик. Мазкур ҳаракатларимиз бўйича ҳукумат раҳбарлари йиғилишида эълон қилинган. Биз босқичма-босқич бу йўлни босиб ўтишимиз керак. Ҳозирча бу вазиятга нохолис ёндашиб бўлмайди. Мен Россия президенти гапларини назарда тутмоқдаман», — деди у.

Россия президенти Владимир Путин Туркияга қарши махсус иқтисодий чоралар кўриш бўйича Фармонни имзолаган. Ҳужжат амалда Туркияга нисбатан санкциялар қўлланганини кўрсатади. Эндиликда мамлакатда Туркия маҳсулотлари кириши ва туркияликларнинг Россия ҳудудида ишлаши тақиқланади.