Плимут университети тадқиқотчилари интернетдан, компьютердан ва бошқа техник воситалардан фойдаланиш хавфсизлигини оширадиган янги пароллаш методи устида иш олиб бормоқда. GOTPass номли метод шаблонлар, расмлар ва бир марталик паролларни ўз ичига олиб, бу ҳам эслаб қолишга осон, ҳам илгариги методикадан анча хавфсиз бўлиши айтилмоқда.

GOTPass фойдаланишдан олдин созламаларни чақиради. Фойдаланувчи 4×4 сеткаси бўйича шаблон чизиши лозим бўлади (Android’да ишлайдиган гаджетларни пароллаш усулига ўхшаш). Шаблон танлангач, Emoji смайлларига ўхшаш 120 белгидан тўрттасини танлаш мумкин бўлади.

Пароль киритиш пайти келганида фойдаланувчи ўз исмини киритади, сўнг блокни очиш учун шаблон чизади. Шундан сўнг унга 16 белги кўрсатилади, шулардан 14таси тасодифий, қолган 2таси эса муқаддам фойдаланувчининг ўзи танлаган 4 белгидан 2тасидир. 2та белгини тўғри танлаган фойдаланувчига кириш учун бир марталик пароль кўрсатилади.

Тадқиқотчиларнинг таъкидлашича, бу жараён “аслида кўп вақт олмайди” ҳамда керакли маълумотларни эслаб қолиш катта қийинчилик туғдирмайди.