Россия Энергетика вазири Александр Новак Саудия Арабистонини нефть қазиб олиш ҳажмини бир кунда 1,5 миллион баррелга қадар ошириш орқали ушбу маҳсулот бозорини беқарорлаштиришда айблади. Новак ўз фикрларини «Россия 24» телеканалига берган интервьюсида айтиб ўтган.

“Саудия Арабистони бу йилда нефть қазиб олиш ҳажмини кунига 1,5 миллион баррелга қадар ошириб, нефть бозорини беқарорлаштирди”, - деди Новак.

Шу билан бирга, Новак 2016 йилда талаб ва таклиф ўртасида мувозанат нуқтаси топилишини башорат қилди. Вазир, шунингдек, нефть бозорига Эроннинг санкциялар олиб ташланганидан сўнг чиқиб келиши ҳам нархларга таъсир кўрсатишини айтиб ўтган.