Суриялик журналист ва документалист Нажи ал-Жерф Туркия жануби-шарқида отиб кетилди. Бу ҳақда Sputnik хабар берди.

Ушбу маълумотни “Раққани секин-аста ўлдирмоқдалар” ташкилоти ҳам тасдиқлади.

“Режиссёр, икки фарзанднинг отаси Нажи ал-Жерф бугун Туркияда, Ғозиантепда отиб ўлдирилди”, - деб хабар берилди ташкилотнинг Twitter’и орқали.

Журналист айни кунларда ИШИД гуруҳининг жиноятлари ҳақида ҳикоя қилувчи фильм устида ишлаётган эди.

Илгари у Сурия уруши ҳақида фильм чиқарган эди. Бундан ташқари, ал-Жерф Hentah газетасининг бош муҳаррири эди.