Бош прокуратура: 2 мингдан зиёд ҳолатда давлат органлари томонидан ортиқча йиғим ва маълумотлар талаб қилинганлиги аниқланди

Ўзбекистон 29 Декабрь 2015 3528

Республика Бош прокуратураси ташаббуси билан Самарқанд вилоят ҳокимлигида ўтказилган учрашув бўлиб ўтди. Тадбирда вилоят прокуратураси органлари ҳамда соҳага дахлдор бошқарма ва муассасалар вакиллари, шаҳар ва туманлар ҳокимларининг ўринбосарлари, тадбиркорлар иштирок этди.

Uztimes.uz нашрининг маълум қилишича, Самарқанд вилоятида ҳозирги кунда қарийб 16 минг тадбиркорлик субъекти фаолият олиб бормоқда. 2015 йилнинг ўтган даври мобайнида минг нафарга яқин тадбиркорлар ўз фаолиятини бошлади. Натижада кичик бизнес субъектларининг вилоят ялпи ҳудудий маҳсулотдаги улуши 77,6 фоизни ташкил этди ва уларда аҳолининг 83,3 фоизи иш билан таъминланди.

Учрашувда Бош прокуратура томонидан тадбиркорлик субъектлари манфаатларини ҳимоя қилиш борасида бажарилган ишларга тўхталиб ўтилди.
– Жорий йилнинг 9 ойида 532 та ҳолатда тадбиркорлик фаолиятига асоссиз аралашув ва ноқонуний текшириш ўтказилганлиги, 953 та ҳолатда ноқонуний қарорлар қабул қилинганлиги, 100 дан ортиқ тадбиркорнинг мурожаатини кўриб чиқишда қонун талаблари бузилганлиги, 2 мингдан зиёд ҳолатда давлат органлари томонидан ортиқча йиғим ва маълумотлар талаб қилинганлиги аниқланган, – дейди республика Бош прокуратураси бошқарма катта прокурори Аслиддин Тошпўлатов.

Прокуратура мутасиддисининг айтишича, ушбу ҳолатларга барҳам бериш мақсадида қонун доирасида зарур ишлар амалга оширилган. Натижада 6 мингдан ортиқ тадбиркорнинг бузилган ҳуқуқлари тикланган. Қонун талабларини қўпол равишда бузиш ва тадбиркорга жиддий зиён етказиш ҳолатлари бўйича 78 та жиноят иши қўзғатилган.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар