Ироқ бош вазири Ҳайдар ал-Абадий Рамади шаҳрига ташриф буюриб, шаҳар аҳолисини ИШИД асоратидан қутилгани муносабати билан қутлади. Бу ҳақда Аssociated Press агентлиги хабар тарқатди.

Хабар қилинишича, маҳаллий телеканаллар бу ташриф ҳақида маълумот бермаган. Агентликка генерал-майор Аҳмад ал-Белави ушбу ташриф ҳақида маълумот берган. Унинг айтишича, бош вазир ўз ташрифини вилоят раҳбарлари ва хавфсизлик хизматлари ходимлари билан учрашган.

27 декабрь куни Ироқ армияси Рамадини ИШИДдан озод қилди.

ИШИД 2014 йилнинг ёзида Рамадини эгаллаб олганди. Бу шаҳар Ироқнинг ИШИД қўлидаги энг йирик шаҳарларидан бири эди.

Ироқ армияси шаҳарни озод этиш учун ҳарбий амалиёт бошлашдан олдин аҳолини вақтинчаликка шаҳарни тарк этишни сўраб варақалар тарқатди.

28 декабрь куни бош вазир 2016 йил ИШИД террорчилик гуруҳи устидан ғалаба қозониладиган йил бўлиши ҳақида айтганди.