2016 йилнинг 1 январидан Ўзбекистонда минимал даромад солиғи миқдори 1 фоизга туширилади. Янги солиқ ставкаси президентнинг “Асосий макроиқтисодий кўрсаткичлар прогнози ва Ўзбекистон Республикаси Давлат Бюджетининг 2016 йилги параметрлари тўғрисида” ги қарорига мувофиқ белгиланди.

Эндиликда минимал солиқ ставкаси 7.5 фоизга тенг. Илгариги кўрсаткич 8.5 фоиз эди. Бу ставка 1-5 энг кам ойлик иш ҳақига тенг даромадга нисбатан қўлланади.
Экспертларнинг фикрича, бу ташаббус аҳоли даромадини умумий миқдорда 230 млрд сўмга ошириш имкониятини беради.

Шунингдек, ўртача даромад оладиган солиқ тўловчилардан ундириладиган солиқ ставкаси 6.2 фоиздан 5.5 фоизга туширилади.
Ўрта ва максимал даромад солиғи ставкалари ўзгармади – 17 ва 23 фоиз даражасида қолди.