«Барселона» бразилиялик 23 ёшли ҳужумчиси Неймар билан шартномани янгилаш арафасида турибди.

Marca нашри тарқатган хабарга кўра, футболчи янги шартномага имзо чеккан тақдирда унинг йиллик маоши 3 баравар ошади ва солиқлар чиқариб ташланганидан кейин ҳам у йилига 30 миллион евро маош олиши мумкин бўлади. Ҳозирда Неймарнинг «Барселона»да оладиган маоши 10,5 миллион евро ҳисобланади.

Қайд этилишича, каталонияликлар Неймарни жамоада энг кўп маош оладиган футболчилар орасида Лионель Мессидан кейин иккинчи ўйинчига айлантиришмоқчи. Шундан келиб чиққан ҳолда айтиш мумкинки, ҳозирда 20 миллион евро маош олаётган Мессининг маоши ҳам оширилиб, йилига 30 миллион евродан кўпроқни ташкил этиши мумкин.

Бундан аввалроқ «Барселона» Неймар билан 2021 йилгача бўлган янги шартнома имзоламоқчи экани ҳақида хабар берилганди.

Гвардиола «Манчестер Сити»га келгач, биринчи бўлиб Неймарни сотиб олмоқчи, кейин эса Суаресни