Мексикада шартли жазодан қочиб кетган 18 ёшли америкалик ўсмир Итан Коуч қўлга олинди. Бу ҳақда CNN хабар бермоқда.
Коуч ва унинг онасини маҳаллий ҳуқуқни муҳоафаза қилиш органлари Пуэрто-Вальярт курорт шаҳри яқинида аниқлашган.

Коуч 2015 йилнинг декабрида Техас штатининг Таррант округида назорат остида бўлганида йўқолиб қолган эди. У икки йил муқаддам маст ҳолатда автомобиль бошқариб, тўрт кишини уриб юбориб, уларнинг ҳаётига зомин бўлган эди.

Коучнинг ўсмирларни қидириш билан шуғулланувчи АҚШ федерал маршаллари хизматига топширилиши кутилмоқда. Унинг жойлашган ўрнини маълум қилганларга 5 минг доллар мукофот эълон қилинган эди. Айни пайтда ўсмирни қамоққа олиш тўғрисида ордер чиқарилган. Прокурор маълумотларига кўра, Коуч пробация (синов) шартларини бузгани учун 10 йил муддатга озодликдан маҳрум этилиши мумкин. 

Ўсмирнинг онаси ҳам АҚШда бедарак йўқолган, деб эълон қилинган эди. Бироқ энди ҳукумат уни ўғлига қочишда ёрдам берган, деб ҳисобламоқда.
Коуч иши АҚШда жамоатчилик ўртаси қизғин муҳокамаларга сабаб бўлди. Суд ўсмирни 16 ёшлигида 10 йил муддатга шартли жазога ҳукм қилган эди. Прокурорлар эса бу муддатни 20 йилга чўзишни талаб қилганди. Адвокатлар хатти-ҳаракати эвазига суд жазони ижро этиш муассасаси ўрнига ўсмирни хусусий шифохонага юбориш тўғрисида қарор қабул қилган эди.

Коуч эса унга ўхшаш киши алькогол истеъмол қилган ҳолда ўйинда иштирок этган кечада туширилган видеоёзув пайдо бўлганидан сўнг яширинган. Ёзувда Коуч устига стаканлар қўйилган стол ёнида тургани ҳам кўринган.