АҚШнинг амалдаги президенти Барак Обама ҳамда унинг ўрнига асосий даъвогар Ҳиллари Клинтон 2015 йилнинг энг ҳурматли одамлари дея эътироф этилди. Бу Gallup компаниясининг 2015 йил якунларига кўра ўтказган сўровномаси натижаларидан маълум бўлди.

Обама рўйхатда 17 фоиз овоз олган. Рим папаси Франциск ва президентликка номзод, миллиардер Дональд Трамп 5 фоиздан овоз тўплашди.
Аёллар рўйхатида эса биринчи ўрин Ҳиллари Клинтонга насиб қилди.
1948 йилдан буён ўтказилаётган сўровномада Клинтон хоним Элеонор Рузвельт, Маргарет Тэтчер, Жаклин Кеннеди, Тереза она ва Голда Мейрлардан анча олдинда бормоқда: у 14-марта кетма-кет биринчиликни эгаллаши, умумий ҳисобда эса бундай натижага 20 марта эришган.