Ўзбекистон Республикаси Марказий банки Бошқарувининг 2015 йил 26 декабрдаги қарори билан Адлия вазирлигидан рўйхатдан ўтган “Тижорат банкларига чет эл валютасида операцияларни амалга ошириш учун лицензияларни бериш тартиби”га мувофиқ “Ravnaq-bank” хусусий акциядорлик-тижорат банкига чет эл валютасида операцияларни амалга ошириши учун Бош лицензия берилди.

2012 йилда «Ўзбекистон Республикаси Марказий банки тўғрисида»ги Қонуннинг 40 ва 53-моддасига асосан валютани тартибга солишга доир амалдаги қонунчилик талабларини бузганлиги сабабли Ўзбекистон Республикаси Марказий банки «Равнақ-банк» хусусий очиқ акциядорлик-тижорат банкидан чет эл валютасида операцияларни амалга ошириш ҳуқуқини берувчи Бош лицензияни қайтариб олганди.