Сурияда жангарилар томонидан қуршаб олинган иккита ҳудуддан эвакуация қилинган тинч аҳоли Туркия ва Ливан чегараларини кесиб ўтдилар, деб хабар бермоқда чегара хизматларидаги манбаларига иқтибос келтирган ҳолда Reuters ахборот агентлиги.

Тез ёрдам машиналари ва автобусларда ҳаммаси бўлиб камида 450 одам ва яраланган жангарилар олиб чиқилган. Жангарилар айнан қандай гуруҳга тегишли эканлиги аниқлаштирилмаган.

Бундан ташқари, исёнчилар томонидан қамалга олинган Забаданий шаҳридан 125 дан кўпроқ жангари Туркияга учадиган самолётга ўтириш учун Байрутга йўл олмоқда. Бу орада Суриянинг шимолидаги ҳудудлардан 330 тинч аҳоли Байрутгача самолётда етиб олиш учун Туркиянинг Хатай шаҳрига йўл олган. 

БМТ кўмагида Сурия армияси ва террорчилик гуруҳлари ўртасида тинч аҳолини эвакуация қилиш бўйича музокаралар бир неча ой аввал бошланганди. Келишувга кўра, террорчилик гуруҳлари шиалар яшайдиган ҳудудлардан одамларни эвакуация қилиш учун хавфсиз коридор, армия эса Забаданийдаги жангарилар ва уларнинг оилаларига коридор тақдим қилиши керак.