АҚШда Рождество куни 27 киши ўқотар қуролдан ҳалок бўлди, 63 киши яраланди, 2 киши ўз жонига қасд қилди. Бу ҳақда Gun Violence Archive ташкилотига таянган ҳолда The Washington Post нашри хабар бермоқда.

Мақола муаллифининг сўзларига қараганда, бўлиб ўтган воқеалар “АҚШда зўравонлик ҳеч таътилга чиқишни истамаётганини кўрсатувчи ташвишли белгидир”. Бир байрам оқшомида АҚШда ўқотар қуролдан ҳалок бўлганлар сони Австралия, Буюк Британия сингари давлатларнинг йиллик кўрсаткичига етиб олган.

Таъкидланишича, охирги бир йил давомида Австрия, Норвегия, Янги Зеландия, Словения, Эстония, Гонконг, Исландия ва Бермуд оролларида умумий ҳисобда 27 киши ўқотар қуролдан ҳалок бўлган.