Шанхай ҳамкорлик ташкилоти бош котиби Дмитрий Мезенцевнинг фикрича, ташкилотга аъзо давлатлар ўртасида ўзаро ишонч янги босқичга кўтарилган. Бу ҳақда у “Известия” нашрига берган интервьюсида айтиб ўтди.

Мезенцевнинг бош котиблик мансабидаги ваколати 31 декабрь куни якунига етади.
“Биринчи навбатда асосчи давлатларнинг ўзаро алоқалари ўзгарди, мустаҳкамланди. Ҳамкорлик, ишонч, ШҲТга аъзо давлатлар ҳамда кузатувчилар ўртасидаги диққат-эътибор янги босқичга кўтарилди.

Кузатувчиларнинг деярли барча даражадаги тадбир ва диалогларда иштирок этиши биз учун одатий ҳолга айланди”, - таъкидлади Мезенцев.
Шунингдек, амалдор ШҲТ минтақада АҚШга қарши туриш воситасига айлантирилаётгани ҳақидаги гап-сўзларни инкор қилди.
“Аввал бошида ҳам, бугун ҳам асосчи давлатлар ШҲТни бошқа бирор кучга қарши қўйгани йўқ”, - таъкидлади у.