АҚШдаги Whole Foods озиқ-овқат дўконлари тармоғи тарозидан уриб харидорларни алдагани учун Нью-Йоркка 500 минг доллар жарима тўлайдиган бўлди.
Қайд этилишича, дастлаб шаҳар ҳокимияти 80 та қадоқланган маҳсулотдан барчасидаги нарх ва унинг оғирлигидаги фарқ аниқланган текширувдан кейин дўконлар тармоғидан 1,5 млн доллар товон пули талаб қилган.

Компания маҳсулотларнинг баъзи турларига, жумладан, мевалар ва тайёр бутербродларга нархлар хилоф равишда ошириб кўрсатилгани ҳолатини тан олди.

Бу орада шаҳарнинг истеъмолчилар ишлари бўйича инспектори Жули Мениннинг айтишича, Whole Foods дўконларини текширган ҳамкасблари текширув натижаларини “улар ўз фаолиятларида учратган нотўғри маркировкалашнинг энг ёмон ҳолати” сифатида баҳолашган.

Мисол учун, 8,5 долларлик қилиб тортиб сотилган мева пакети ўртача ўзининг асл нархидан 1,15 долларга қимматроқ сотилган.