Хитой Ерни масофадан зондлаш ускуналарига эга Gaofeng-4 сунъий йўлдошини учирди. ХХР космик фан, технологиялар ва саноат давлат бошқармасининг хабар қилишича, аппарат Сичуань вилоятидаги Сичан космодромидан “Чанчжэн” ташувчи ракетаси ёрдамида учирилган.

Бошқарма бошлиғи Сюй Дачжэнинг маълум қилишича, оптик кузатув тизимига эга йўлдош бугунги кунда геосинхрон орбитага чиқарилган шу турдаги энг мукаммал аппаратдир.
Йўлдошдан геологик жараёнлар ҳамда ўрмон ёнғинларини кузатиш мақсадида фойдаланилади. Gaofeng лойиҳаси доирасида 2020 йилга қадар 7та сунъий йўлдош фазога учирилиши режалаштирилмоқда.