Британиялик фотожурналист Tesla’нинг улкан фабрикаси қурилаётган жойдан илк суратларни чоп этди

Жаҳон 30 Декабрь 2015 3268

АҚШнинг Tesla компанияси Невада штатида қаттиқ сир сақлаган ҳолда янги фабрика қурмоқда, бироқ компания британиялик фотожурналист Жеймс Липмэнга фабриканинг бир нечта суратларини чоп этишга рухсат берди. Бу ҳақда Business Insider нашримаълум қилди.

Компания томонидан “Гигафабрика 1” (Gigafactory 1) деб номланган бу фабрика қурилиши 2020 йилга якунланади. Қурилиш якунлангандан кейин у дунёда ҳажми бўйича 2-рақамли бино бўлади – унинг майдони Нью-Йоркдаги Марказий боғдан 3 баробар каттароқ бўлади. Дунёдаги энг йирик бино номини ҳанузгача Boeing компанияси фабрикаси ушлаб турибди.

Компания шу тобгача янги фабрикасини суратга олишни тақиқлаб келаётганди. Октябрда Reno Gazette-Journal газетасининг икки нафар мухбири фабрика ҳудудига кириб, у ерда суратга олиш пайтида қўлга олингани овоза бўлиб кетганди. Ўшанда мухбирлар қўлга олиниши пайтида компания ходимларидан бирини яралаган, сўнгра ўз машинасида компаниянинг яна икки нафар ходими ўтирган квадроциклга бориб урилган.

Бироқ, кўринишича, реклама билан шуғулланувчи фотосуратчи Жеймс Липмэн компаниядан суратга олиш учун рухсат олган биринчи одам бўлганга ўхшайди. У ўзининг инстаграмида фабрика меҳмонлари учун холл қандай кўринишини намойиш қилди: бу холл оппоқ рангда бўлиб, унда оқ ва қора диванлар жойлаштирилган.

Компания бино ташқарисидан ёқилғи қуйиш станциясини ўрнатган. У фабриканинг ўзи каби атрофдаги чўлдан ажраб туриши учун қизил ва оқ рангларда безалган. Фабрика ҳудудидаги кўча “Электр авеню” номини олган.

Липмэннинг айтишича, фабрикада тўлиқ қайта тикланувчи энергия манбаларидан фойдаланилади.

Business Insider’нинг таъкидлашича, Липмэн компания учун фотосессия ўтказаётганини тахмин қилиш мумкин ва шунинг учун яқин орада фабрикадан олинган кўпроқ фотосуратлар пайдо бўлиши мумкин.

Фабрикани аввал фақатгина дронлар ёрдамида ҳаводан олишнинг иложи бўлган. Хусусан, июнда олинган видеода компания бино устига улкан қуёш батареяларини ўрнатаётгани тасвирланган. Бу қуёш батареялари қурғоқчил Невадада энергия олишнинг жуда самарали воситаси бўлади. Хусусан, суратлардан бирида бинодан унча узоқ бўлмаган жойда кўплаб шамол парраклари ўрнатилганини ҳам кўриш мумкин.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар