Беларусь ҳамиша дунёда тинчлик таъминланиши учун сиёсий зиддиятларнинг бартараф этилиши тарафдори ҳисобланади. Бу ҳақда мамлакат президенти "БелТА" агентлигига берган интервьюсида айтиб ўтган.

"Бизнинг позициямиз таҳсинларга лойиқ. Чунки беларусь халқи ва Беларусь ҳукумати ҳамиша тинчлик тарафдори бўлиб келган. Биз урушларни ёқламаймиз. Биз Украина, Сурия, Ливия ва Ироқдаги воқеаларни қаттиқ қоралаймиз ва ҳеч қачон урушларни маъқулламаймиз", дейди Лукашенко.

Унинг қўшимча қилишича, Беларусь бундай низолар доирасидан ташқарида туради ва бошқа мамлакатларнинг ишига ҳам аралашмайди.

"Украинадаги сиёсий инқирозни ҳал қилишга қаратилган музокараларнинг Минскда ўтказилишига ҳам сабаб шуки, дунёда Беларусь каби тинчликпарвар давлат йўқ", дейди Лукашенко.