«Манчестер Сити» жамоаси «Реал» жамоаси ярим ҳимоячиси Искони қишки трансферлар вақтида ўз сафига қўшиб олмоқчи. Бу ҳақда Англиядаги The Mirror ва Испаниядаги Sport нашрлари хабар тарқатган.

Испаниядаги манбанинг ёзишича, инглизлар жамоаси ижрочи директори Ферран Сориано Мадридга келган ва «Қироллик жамоаси» билан музокараларни бошлаган.

Хабар қилинишича, инглизлар жамоаси бу футболчи учун 40 млн евро таклиф қилишган. «Манчестер Сити» бу футболчини бу борадаги рақибига айланиши мумкин бўлган «ПСЖ» таклиф беришидан олдинроқ қўлга киритишни мақсад қилган.

Манбанинг ёзишича, футболчининг бош мураббий Рафаэль Бенитес билан зиддияти ва асосий таркибдан жой олмаётгани туфайли бу трансфер осонгина амалга ошиши мумкин. Шу билан биргаликда, Бенитеснинг ўзининг «Реал»даги фаолияти давом этиши сўроқ остида тургани туфайли футболчи Мадридни тарк этишга шошилмаётгани айтилган.

Маълумот учун, Иско жорий мавсумнинг 13та ўйинида (асосан захирадан) майдонга тушди ва битта гол уриб, 3та голли пас муаллифи бўлди. У шунингдек, ЕЧЛдаги барча 6 учрашувда майдонга тушиб, 3та голли пас узатган.

Иско ўзининг жамоадаги ўрнидан норози. У ёзда кетмоқчи