Қозоғистоннинг Толдиқўрғон шаҳрида яшовчи 3 ёшли Қизғалдоқ Роҳатқизи металл буюмларни ўзига тортиш хусусиятига эга. Бу ҳақда бир қатор маҳаллий нашрлар ёзиб чиқишди, деб хабар бермоқда nur.kz нашри.

Қизда магнетик қобилият бир ойча муқаддам пайдо бўлди. Шундан буён у қўғирчоқлар эмас, тангалар ва қошиқлар билан ўйнаб келмоқда.
“Қизимнинг барча тиббий кўрсаткичлари жойида, соғлиғи жойида. Ҳозир у оғирроқ нарсалар, масалан, дазмолни ўзига тортиб олишга уринмоқда”, - дейди унинг онаси Ҳожар Рамазонова.

Замонавий фан магнетик инсонларнинг борлигини тан олади, лекин бу хусусиятга ҳозирча аниқ тушунтириш берилмаган.