Россиянинг Брянск вилояти Красная Гора қишлоғида Рейхстаг қамалида иштирок этган энг кекса иштирокчиси Иван Лисенко 98 ёшида оламдан ўтди. Бу ҳақда ТАСС агентлиги хабар бермоқда.

Фахрийнинг дафн маросими 31 декабрь куни қишлоқнинг ўзида ўтказилади. Маросимга вилоят раҳбарияти, шунингдек, фахрийлар ташкилотлари мутасаддилари ташриф буюради.

Тарихчи Герман Гончаров берган маълумотга қараганда, Лисенко оддий аскар-разведкачи Булатовнинг қамал гуруҳи таркибига кирган. Ушбу гуруҳ 1945 йил 30 апрелда биринчи бўлиб Рейхстагга етиб келган. Шу куннинг ўзида Лисенко бино томидаги отлиқ скульптурага қўлбола яловни ўрнатган. Бу Рейхстаг устига ўрнатилган биринчи ялов эди. Михаил Егоров ва Мелитон Кантарияларнинг машҳур байроғи эса 1945 йилнинг 1 майида ўрнатилган.