АҚШ Эрон Ҳормуз бўғозида ўқув ракета отишмаларини ўтказганидан кейин уни “хавфсиз бўлмаган” ва “нопрофессионал” ҳаракатларни амалга оширганликда айблади, деб хабар бермоқда Al Jazeera. 

“Халқаро тан олинган денгиз коридорида коалиция кемалари ва савдо кемаларига бунчалик яқин масофада отишмани амалга ошириш хавфли ва нопрофессионал ҳаракатлар ҳисобланади”, деб айтди АҚШ ҲДК қўмондони Кевин Стивенс.

Стивенснинг айтишича, бу ҳаракатлар халқаро денгиз ҳуқуқи ва бошқа кемаларнинг ҳаракатланиши хавфсизлиги ҳуқуқини бузади ҳамда бу ҳаракатларни “очиқча иғво” деб атади.

Аввалроқ Эрон бўғозда АҚШнинг авиаташувчи кемаси яқинида отишмани амалга оширгани маълум бўлганди. АҚШ кемалари “халқаро тан олинган денгиз коридорида” бўлганида Эрон ҲДК радио орқали отишмани бошлашини хабар қилган. Шундан кейин бир нечта бошқарилмайдиган ракеталар учирилган.