БМТ вакили: 2003 йилда АҚШнинг Ироққа кириши ИШИДнинг юзага келишига сабаб бўлди

Жаҳон 31 Декабрь 2015 8369

АҚШ ҳарбийларининг 2003 йилда Ироққа кириши хато қадам бўлган ва унинг ортидан Яқин Шарқ ҳудудида сиёсий вазият беқарорлашиб, ИШИД юзага келиши учун шароит ҳосил бўлган. Бу ҳақда БМТ бош ассамблеяси раиси Могенс Люккетофт айтиб ўтган.

"Биз Ироққа 2003 йилда бостириб кирилиши хато бўлганини инкор эта олмаймиз. АҚШнинг ҳозирги президенти Барак Обама ҳам буни тан олган. Бу қарорни қабул қилганлар унинг оқибатлари ҳақида тушунчага эга бўлмасдан шундай хатога қўл уришган. Америкалик ҳарбийларнинг Ироққа кириши минтақада турли қарама-қаршиликларни келтириб чиқарди ва жамиятдаги беқарорликдан фойдаланганлар ИШИДни тузишди", дейди у.

Унинг фикрича, Ироқда янада демократик қарашларни сингдириш ва ҳудуддаги камчиликнинг манфаатлари ҳимоя қилинган битимларни тузиш керак. БМТ вакилининг қайд этишича, Ироқ тажрибасининг омадсизликка юз тутганидан хулоса чиқарган ҳолда Суриядаги сиёсий муаммони ҳал қилишда ақл билан иш тутиш лозим.

БМТ Хавфсизлик кенгаши 2016 йилнинг январида Дамашқда Сурия ҳукумати ва мухолифати ўртасида музокаралар ташкил қилиши ва ўтиш даври ҳукумати тузилишини маълум қилган. 2017 йилда эса янги ҳукумат учун сайловлар ўтказилиши кўзда тутилган.

"Олдиндаги сайловлар амалдаги конституция доирасида, камчиликнинг манфаатларини (христианлар, алавитлар, друзлар ва курдлар) ҳисобга олган ҳолда ўтказилиши керак. Минтақада янги зиддиятларнинг пайдо бўлишига йўл қўйиб бўлмайди", дея аниқлик киритади БМТ вакили.

Могенс Люккетофтнинг қайд этишича, БМТ Ироқ ва Сурияда камчиликни ташкил этувчи элатларга кўпроқ эътибор қаратиши зарур.

"Акс ҳолда бизни навбатдаги қонли ва узоқ давом этувчи фуқаролик урушлари кутади. Бу глобаллашиши мумкин", дейди у.

Унинг ишонч билдиришича, минтақадаги вазиятни ҳал этиш музокараларида асосий ролларни ўйнайдиган давлатлар Сурияда 2011 йилдан буён давом этаётган можароларни тугатиш зарурлигини чуқур англаши лозим. У бу можаролар шу вақтгача 250 мингдан ортиқ кишининг ёстиғини қуритганини эслатиб ўтган.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 51241 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16133 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 98413 Ўзбекистон
Хитойда биринчи интернет-суд очилди
10:03 1 Жаҳон
БМТ: Испания қочқинлар билан ишлаш учун етарли манбага эга эмас
10:00 15 Жаҳон
Европа лигаси. «Милан» македонларга 6та гол урди, «Марсель» Слования клубини енга олмади ва бошқа натижалар
09:58 53 Спорт
Яна бир давлат Венесуэлага қарши санкциялар киритади
09:53 385 Жаҳон
Барселонадаги теракт ижрочиси деб гумон қилинган шахс полицияга келиб, айбсизлигини айтди
09:50 639 Жаҳон
Каталония ҳукумати уч кунлик мотам эълон қилди
09:42 902 Жаҳон
Атлантика океани жанубида кучли зилзила юз берди
09:40 272 Жаҳон
Кўпроқ янгиликлар