Туркиянинг Истанбул шаҳрида ёғаётган кучли қор мегаполисда транспортларнинг кўчаларда тирбандлигини юзага келтирди ва шаҳардаги икки аэропортда 31 декабрь-1 январь кунги 300га яқин авиарейснинг бекор қилинишига сабаб бўлди. Бу ҳақда Haber7 нашри хабар бермоқда.

Ёмон об-ҳаво шароитлари Истанбулдаги Отатурк ва Сабиҳ Гекчен аэропортларида ишлашни мураккаблаштирган. Кучли жала ва қор бўронлари авиакомпаниялар юзлаб рейсларини бекор қилишига сабаб бўлмоқда.

Шу билан бирга, кўплаб мактабларда ўқув машғулотлари ноқулай об-ҳаво туфайли бекор қилинган. Жамоат транспортида қийинчиликлар юзага келган. Кўчаларни қордан тозалаш ишларига 1,1 минг техника жалб этилган.

Метеорологларнинг айтишича, қорбўронлари Истамбулда жума кунига қадар давом этади.

Бундан олдинроқ, қорбўронлари туфайли Истанбул аэропортида Turkish Airlines`нинг 142та рейси бекор қилингани ҳақида хабар берилганди.