Мадриднинг "Реал" жамоаси етакчиси Криштиану Роналду ўғли Криштианиньо (яъни кичик Криштиану) яқин келажакда ака бўлиши мумкин. Бу ҳақида Daily Mail нашри хабар ёзган.

Португалиялик ҳужумчи FHM журналига берган интервьюсида 5-6 фарзанднинг отаси бўлиш истаги борлигини айтиб ўтган.

"Мен кўп фарзанд кўра олишим учун шароитим етарли. 5-6 фарзандни дунёга келтириш ниятим бор. Фақатгина менга муносиб аёлни топишим керак", - Роналду.

У айни вақтда таътилни ўтказиш учун Майамига келган. Футболчи ўғлини онаси билан Мадридда қолдирган. Қайд этилишича, у шу вақтгача ҳамиша саёҳатларга чиққанида оиласини ташлаб кетмас эди.

Португулиялик тележурналист Кристина Морайес Карвальо Роналду яна бир фарзанд кўрмоқчилиги ҳақида айтиб ўтган. У иккинчи фарзанднинг онаси бўлиши мумкин бўлган аёл ҳам айни вақтда Майамида эканига ишора қилган.

Маълумот учун, унинг биринчи ўғли Криштианиньо 2010 йилнинг 17 июнида дунёга келган. Роналдунинг ўғлини суррогат она дунёга келтирган.