Италиянинг “Жанубий оқим” газ қувурининг сув ости қисми қурилиши учун танланган Saipem пудратчиси Париждаги халқаро савдо палатасига “Газпром” назорати остидаги South Stream Transport B.V.га қарши даъво аризаси билан мурожаат қилди. РБК нашрининг маълум қилишича, ариза 2015 йил ноябрида киритилган.

South Stream Transport “Жанубий оқим” сув ости қисми қурилишининг оператори ҳисобланади. Украинани четлаб ўтган ҳолда Қора денгиз тубидан ўтиши керак бўлган қувурнинг қурилиши амалга ошмай қолиб кетди. Шу боис Saipem ундан 759 млн евро талаб қилмоқда.

Ушбу шикоят шартноманинг тўхтатилиши муносабати билан келтирилган зарарни қоплаш тўғрисидаги умумий даъво таркибига киритилиши мумкин. Бу ҳолда зарар миқдор бошқатдан ҳисоб-китоб қилинади. Италия компанияси вакилларининг таъкидлашича, South Stream Transport суд эшитуви ҳақида 2015 йил 15 декабрида огоҳлантирилган. “Газпром” вакили ахборот етиб келганлигини тасдиқлади. Шу билан бирга, у италияликларнинг даъволари асоссиз эканлигини таъкидлаб, суд орқали компания манфаатлари ҳимоя қилинишини айтди.