Англиянинг «Челси» клуби матбуот хизмати вакили жамоа сардори Жон Террининг мавсум якунлангач жамоани тарк этиши, клуб раҳбарияти у билан шартномани узайтиришни истамагани борасида гапларига муносабат билдириб ўтди.

«Икки ҳафта муқаддам Жон ўзининг ёзда ниҳоясига етадиган шартномасини узайтириш бўйича клуб раҳбарияти билан учрашишни сўради. Унга ҳозирча бундай таклиф йўқлиги, бироқ яқин ойларда вазият ўзгариб қолиши мумкинлиги айтилди. Клуб Террини ҳурмат қилади ва унинг жамоа учун қилган хизматларини унутмаган.

У жамоа «Челси» жамоаси учун фидокорона меҳнат қилиб келди, у ажойиб сардор, шунинг учун ҳам жамоа у билан музокараларни давом эттиради», — дея гапириб ўтган «Челси» матбуот хизмати вакили.

Жон Терри мавсум тугагач "Челси"ни тарк этишини эълон қилди