АҚШ энергетика вазирлиги Сандий миллий лабораториясига парраклари эни 200 метргача етадиган сузиб юрувчи шамол турбиналарини конструкциялаш вазифасини топширди. Бу ҳақда Gizmodo нашри хабар бермоқда.

Ҳозирда парраклари 80 метрга етадиган энг катта шамол турбиналари Японияда жойлашган. Улар 7 мегаватт электр энергия ишлаб чиқаради. АҚШда эса 50 мегаваттлик шамол генераторлари яратишмоқчи.

Янги конструкция кучли денгиз шамолини йўқотишларсиз "тутишга" имкон берувчи махсус элементлар билан жиҳозланади. Кучли шамолларда бузилиш хавфини камайтириш мақсадида ротор кураклари шамол йўналишида йиғилади.

Муҳандисларни бундай конструкцияни яратишга пальма дарахти илҳомлантирди. Тўфон пайтида бу дарахтлар ўз шох-шаббаларини "ёпишга" қодир ва шу тариқа 300 км/соатгача тезликдаги шамолга дош бера олади.

Лойиҳанинг муваффақиятли амалга оширилиши шамол энергетикасини тўфонлар ва тайфунлар хатари катта бўлган ҳудудларда қўллашга имкон беради.

Лойиҳа ҳозирча ишлаб чиқиш босқичида турибди. Аниқ натижаларни 2020 йил охирига кутиш керак бўлади. Шу вақтга келиб АҚШ энергетика вазирлиги мамлакатда ишлаб чиқарилувчи 20 фоиз электр энергияни шамол электр станциялари ёрдамида олмоқчи.