Ўзбекистон Республикаси Вазирлар Маҳкамасининг 2016 йил 27 январдаги қарори асосида Фавқулодда вазиятлар вазирлигига Тошкент шаҳридаги қурилиши тугалланмаган бино ва поликлиника жойлашган майдон берилади.

Тошкент шаҳри, Яшнобод тумани, Тузель-1 мавзесида жойлашган иншоот вазирлик ходимлари учун турар жой сифатида қайта реконструкция қилинади. Вазирлик мазкур қурилиш объектларни қабул қилиш, топшириш ва молиявий ҳисоб-китоб сметасини ишлаб чиқишни шаҳар ҳокимияти билан ҳамкорликда амалга ошириш бўйича топшириқ олган.

Мазкур ҳужжатнинг тўлиқ матни, шарҳи ва унга тааллуқли бошқа қонунчилик манбалари билан Ўзбекистон Республикаси Қонун ҳужжатлари маълумотлари миллий базасида танишиш мумкин.